January 15, 2013

မြစ်ကြီးနား ဗုံးကွဲမှု စွပ်စွဲခံရသူများကို လူသတ်မှု ထပ်တိုး

မြစ်ကြီးနားမြို့တွင် ပေါက်ကွဲမှုဖြစ်ပွားပြီးနောက် မီးလောင်နေသော နေအိမ်(ဓာတ်ပုံ-YPI facebook)
ကချင်ပြည်နယ် မြစ်ကြီးနားမြို့ သီတာဆိပ်ရပ်ကွက်ရှိ နေအိမ်ဗုံးပေါက်ကွဲမှု၌ တရားခံဟု စွပ်စွဲခံရသူ ၆ ဦးကို အာဏာပိုင်များက ဇန်နဝါရီ လဆန်းပိုင်းတွင် လူသတ်မှုပုဒ်မ ထပ်တိုး၍ စွဲဆိုလိုက်သည်။
တရားစွဲခံရသူ တဦးဖြစ်သည့် မခွန်ဘူက“ပုဒ်မ ၃၀၂/၁ နဲ့ လူသတ်မှုဆိုပြီး အမှုနံပါတ်သစ်ကို လဆန်းပိုင်းတုန်းက ထပ်တပ် လိုက်တယ် ၊ ပြည်နယ် တရားလွှတ်တော်ကို တင်ပြဖို့ ခရိုင်အရာရှိကို အရင်အယူခံဝင်တော့ စာကိုတောင် မကြည့်ဘဲ မသိဘူး လုပ်နေတယ်”ဟု ဧရာဝတီသို့ ပြောသည်။
အဆိုပါ ဗုံးကွဲမှု နှင့်ပတ်သက်ပြီး မြစ်ကြီးနားမြို့နယ် အမှတ် ၁ ရဲစခန်းမှ ရဲ အရာရှိတဦးက တရားလိုပြုလုပ်၍ ဦးဒယောင်တန်ဂွန်း၊ ဒေါ်ဂျာဒင်၊ သိန်းထိုက်အောင်၊ ဘရန်ဂျာ၊ ဒေါင်းလွမ်းနှင့် ဖော်ရန်ဘောက်လာ ၆ ဦးတို့ကို ပြစ်မှုဆိုင်ရာ ဥပဒေနှင့် ပေါက်ကွဲစေ တတ်သော ဝတ္ထုပစ္စည်းများဆိုင်ရာ ဥပဒေတို့ဖြင့် တရားစွဲဆိုထားခြင်း ဖြစ်ကြောင်း သိရသည်။
“ပုဒ်မ ၃၀၂ က သေဒဏ်အထိတောင် ပေးလို့ရတယ်လို့ သိထားတယ်၊ ကျမတို့က ခံခဲ့ရတဲ့ သူတွေလေ၊ ဒါကို လူသတ်မှု ဆိုပြီး ပုဒ်မ တပ်တာတော့ ခံပြင်းတယ်”ဟုလည်း မခွန်ဘူက ဆက်ပြောသည်။
ပြစ်မှုဆိုင်ရာ ဥပဒေအရ လူသတ်မှု၊ အပြင်းအထန် နာကျင်စေမှု၊ သာမန် နာကျင်စေမှုနှင့် ပေါက်ကွဲစေတတ်သော ဝတ္ထုပစ္စည်းများဆိုင်ရာ ဥပဒေအရ ပစ္စည်းဥစ္စာများကို ပေါက်ကွဲမှုဖြစ်စေရန် ပြုလုပ်မှုနှင့် ပေါက်ကွဲမှုဖြစ်စေရန် ငွေ၊ ပစ္စည်းတို့ဖြင့့် ပံ့ပိုးမှု စသည့် အမှု များဖြင့် တရားစွဲဆိုထားခြင်းအပေါ် စွပ်စွဲခံထားရသူများက ဥပဒေကြောင်းအရ အဆင့်ဆင့် ရင်ဆိုင်သွားမည် ဖြစ်ကြောင်း သိရ သည်။
စွပ်စွဲခံရသူများ ၏ ရှေ့နေ ဒေါ်သန်းသန်းဝင်း ကလည်း“တရားခံတွေက တရားရုံးတရုံးရဲ့အမိန့်ကို မကျေနပ်ရင် တဆင့်မြင့်တဲ့ တရားရုံးကို အယူခံတင်ခွင့်ရှိတာကြောင့် ကချင်ပြည်နယ် တရားလွှတ်တော်ကို တင်ပြဖို့ ပြင်ဆင်ထားတာတော့ ရှိတယ်၊ ရဲစခန်းက တရားစွဲတယ်၊ မလုပ်ဘူးလို့ ငြင်းတာကတော့ တရားခံတွေရဲ့ အခွင့်အရေးပဲ၊ ဆုံးဖြတ်တာတော့ တရားရုံးကပဲ လုပ်မှာ”ဟု ပြော သည်။
ထိုသို့ တရားစွဲဆိုထားသည့် ဖြစ်စဉ်နှင့်ပတ်သက်ပြီး မြစ်ကြီးနားမြို့ အမှတ် ၁ ရဲစခန်းသို့ ဧရာဝတီ က ဆက် သွယ်မေးမြန်းရာ တရားလိုပြုလုပ်၍ တရားစွဲဆိုထားသည့် ရဲအရာရှိမှာ ပြောင်းရွှေ့သွားသဖြင့် အမှုဖြစ်စဉ်နှင့် ပုဒ်မများကို ၎င်းတို့အနေဖြင့် မသိရှိကြောင်း ပြန်လည် ဖြေကြားသည်။
မြစ်ကြီးနားမြို့ သီတာဆိပ်ရပ်ကွက် နေအိမ်ဗုံးပေါက်ကွဲမှုသည် ၂၀၁၁ ခုနှှစ် နိုဝင်ဘာ ၁၃ ရက် ညအချိန်တွင် ဖြစ်ပွားခဲ့ပြီး ကလေး ၅ ဦးနှင့် လူကြီး ၅ ဦး ပွဲချင်းပြီးသေဆုံး၍ နေအိမ်သုံးလုံး မီးလောင်ကျွမ်းခဲ့သည်။
ထို ဗုံးပေါက်ကွဲမှု စတင်ဖြစ်စဉ်က အိမ်ရှေ့ရှိ အခြားပစ္စည်းတခုခု ပေါက်ကွဲသည်ဟု ထင်ခဲ့ကြောင်း၊ ပေါက်ကွဲမှု ဖြစ်ပြီးမှ နေအိမ်တွင်း မှ ပေါက်ကွဲခဲ့ခြင်းကို သိရှိရကြောင်း၊ မည်သည့်အကြောင်းကြောင့် နေအိမ်တွင်းမှ ဗုံးပေါက်ကွဲမှုဖြစ်ခဲ့သည်ကိုလည်း မသိရှိ ကြောင်း မခွန်ဘူက ပြောဆိုသည်။

http://burma.irrawaddy.org/archives/30873
Related Posts Plugin for WordPress, Blogger...

အင်တာဗျူး

ငြိမ်းချမ်းရေးအတွက်ယုံကြည်မှုတည်ဆောက်ဖို့ သျှမ်း-ကယား ဆွေးနွေးပွဲကို အခုလ ၂၀ ရက်နေ့မှာ လားရှိုးမြို့မှာကျင်းပ မယ်လို့ သိရပါတယ်။ ထာဝရ ငြိမ်းချမ်းရေးရဖို့ ဒီဆွေးနွေးပွဲ ဖြစ်မြောက်ရေး ဦးဆောင်တဲ့ပုဂ္ဂိုလ်တွေက ဘယ်လိုရည်မှန်း ထား ကြသလဲ၊ ဘာတွေဆက်လုပ်သင့်သလဲဆိုတာ သိရအောင် ကယားပြည်နယ်ကိုယ်စားပြု ဆွေးနွေးပွဲဖြစ်မြောက်ရေး ကော်မတီဝင် ကယန်းပြည်သစ်ပါတီ တွဲဖက်အတွင်းရေးမှူး ၁ ဗိုလ်မှူးစောလွင်ကို သျှမ်းသံတော်ဆင့်က ဆက်သွယ်မေးမြန်း ထားပါတယ်။

အပြည့်အစုံသို့ ...

ငြိမ်းချမ်းရေးအတွက် ယုံကြည်မှုတည်ဆောက်ဖို့ သျှမ်း- ကယား ဆွေးနွေးပွဲအပေါ် KNPP ရဲ့အမြင်

ငြိမ်းချမ်းရေးအတွက် ယုံကြည်မှုတည်ဆောက်ဖို့ သျှမ်း- ကယား ဆွေးနွေးပွဲမှာ လက်နက်ကိုင်အဖွဲ့အစည်းနဲ့ နိုင်ငံရေးပါတီ တွေ စုစုပေါင်း ၂၅ ဖွဲ့ ကိုဖိတ်ကြားထားတယ်လို့သိရပါတယ်။

အပြည့်အစုံသို့ ...

တိုင်းရင်းသားတွေ အပေါ် မတန်တဆလက်နက်တွေနဲ့ တိုက်ခိုက်နေတာကို သူရဲကောင်းတွေလို့ သတ်မှတ်ရမှာလား

ပြည်ထောင်စုနေ့ကျရောက်ခါနီး ၄ ရက်အလို ယခုလ ၈ ရက်နေ့က အစိုးရစစ်တပ်တွင်း သူရဘွဲ့ ၃ ဆု အပါအဝင် သူရဲ ကောင်းမှတ်တမ်းဝင် ရ၈ ဆုနှင့် တပ်မတော်သားကောင်းဆု ၁၅၀၀ ကျော်ခန့် ချီးမြှင့်ခဲ့သည့် အပေါ် သျှမ်းသံတော်ဆင့် သတင်းဋ္ဌာနမှ တရုတ်နယ်စပ် စစ်ရေး ၊ နိုင်ငံရေးလေ့လာသူ ဦးအောင်ကျော်ဇောအား တွေ့ဆုံမေးမြန်းတင်ပြချက်။

အပြည့်အစုံသို့ ...

ဖုန်းဆင်းမ်ကတ်တွေ အိမ်တိုင်ရာရောက် အလကားပေးမယ်

ဆက်သွယ်ရေးလုပ်ငန်းများ လုပ်ဆောင်နိုင်ရန် တင်ဒါစိစစ် ရွေးချယ်ရေး ကော်မတီက ဇန်နဝါရီလ ၁၅ ရက်တွင် တင်ဒါခေါ်ယူထားရာ Red Link ကုမ္ပဏီလည်း လျှောက်ထားလိုက်ပြီး လုပ်ငန်း လုပ်ဆောင်ခွင့် ရရှိမည် ဆိုပါက ဖုန်းဆင်းမ်ကတ်များကို အိမ်တိုင်ရာရောက် အခမဲ့လိုက်လံဝေငှပေးမည်ဟု ကုမ္ပဏီ ဒုဥက္ကဋ္ဌ ဦးမင်းဆွေလှိုင်ကပြောဆိုသည်။

အပြည့်အစုံသို့ ...

အစိုးရနဲ့စစ်တပ် အကြံအစည်ဟာ KIO ကို အမြစ်ပြတ်ချေမှုန်းရေးပဲ ဖြစ်တယ်

၁၇ နှစ်ကျော်ကြာ အပစ်ရပ်ထားသော ကချင်ပြည်လွတ်လပ်ရေးအဖွဲ့ KIO / KIA နှင့် အစိုးရတပ်တို့ အကြား တိုက်ပွဲများ ပြန်လည် ဖြစ်ပွားခဲ့သည်မှာ ယနေ့ဆိုလျှင် အချိန်အားဖြင့် ၁ နှစ် ၈ လကျော် ကြာမြင့်ခဲ့ပြီ ဖြစ်သည်။

အပြည့်အစုံသို့ ...

သျှမ်းနှင့်ကယား ငြိမ်းချမ်းရေးအတွက် ယုံကြည်မှုတည်ဆောက်ခြင်း ဆွေးနွေးပွဲ လားရှိုး၌ကျင်းပ

ငြိမ်းချမ်းရေးအတွက်ယုံကြည်မှုတည်ဆောက်ခြင်း ဆွေးနွေးပွဲ သျှမ်းပြည်နယ်နဲ့ကယားပြည်နယ်ကို ဒီကနေ့ သျှမ်းပြည်မြောက်ပိုင်း လားရှိုးမြို့မှာ ကျင်းပခဲ့တယ်လို့ ကြားသိရပါတယ်။ သျှမ်းတိုင်းရင်းသား များဒီမိုကရေစီအဖွဲ့ချုပ်က ကမကထပြုတဲ့ ဒီဆွေးနွေးပွဲကနေ ဘာတွေဆွေးနွေးနိုင်ခဲ့သလဲ။ ဘယ်သူ တွေ ပါဝင်ဆွေးနွေးသလဲ သိရအောင်လို့ SNLD ပြောခွင့်ရပုဂ္ဂိုလ်စိုင်းလိတ်ကို သျှမ်းသံတော်ဆင့်က ဆက်သွယ်မေးမြန်းထားပါတယ်။

Last Updated on ကြာသပတေးနေ့၊ ဇန်နဝါရီလ 31 ရက် 2013 ခုနှစ် အပြည့်အစုံသို့ ...

ဗိုလ်ချုပ်မှူးကြီး “ဘာမှ ဝင်ရောက်စွက်ဖက်တာ မရှိပါဘူး” ဟု ဦးဌေးဦး ပြော

ယခင် စစ်အစိုးရခေါင်းဆောင် ဗိုလ်ချုပ်မှူးကြီးသန်းရွှေမှာ လက်ရှိအခင်းအကျင်း ရောက်အောင် ဖန်တီး၍ လွှဲအပ်သွားခဲ့ပြီးနောက် မည်သည့်စွက်ဖက်မှုမျှ မရှိတော့ကြောင်း ဗိုလ်ချုပ်မှူးကြီး သန်းရွှေနှင့် တွေ့ဆုံခွင့်ရသူ အနည်းစုထဲမှ တဦးဖြစ်သည့် အာဏာရ ကြံ့ခိုင်ရေးပါတီ၏ ဒုတိယ ဥက္ကဋ္ဌ ဦးဌေးဦး က ပြောဆိုလိုက်သည်။

အပြည့်အစုံသို့ ...

ကချင်စစ်ပွဲအရေး အစိုးရက လုံးဝ တာဝန်ရှိ

ကချင်ပြည်နယ်အတွင်း ဖြစ်ပွားနေတဲ့ စစ်ရေးပဋိပက္ခတွေ၊ စစ်ပြေးဒုက္ခသည်တွေရင် ဆိုင်နေရတဲ့ ဒုက္ခကနေ အမြန်ဆုံး လွှတ်ကင်းအောင် ၊ ပဋိပက္ခတွေ ပြေလည်ငြိမ်းအေးအောင် သမ္မတနဲ့ အစိုးရကို တိုက်တွန်း တဲ့ ကြေငြာချက်တစောင် သျှမ်းတိုင်းရင်း သားများ ဒီမိုကရေစီအဖွဲ့ ချုပ် SNLD က ဇန်နဝါရီလ ၁၆ ရက်နေ့စွဲနဲ့ ထုတ် ပြန်ခဲ့ပါတယ်။

အပြည့်အစုံသို့ ...

 
Design by Free WordPress Themes | Bloggerized by Lasantha - Premium Blogger Themes | Hot Sonakshi Sinha, Car Price in India